2020ko Zuia Euskaraz atzeratu du udalak

 Zuiako Udalaren erabakiak maiatza eta ekaineko gainerako kultura jarduerei ere eragin dieEgoerak baimentzen badu, udazkenean ekingo zaie ekintza horiei guztieiMurgia, 2020ko maiatzaren 13a_ Zuiako Udalak erabaki du atzeratzea maiatzerako eta ekainerako aurreikusitako kultur jarduera guztiak. Horien artean, nagusiena: Zuia Euskaraz. COVID 19aren krisiaren ondorioz hartu du erabakia, noski, jarduera horiek segurtasunez egiteko baldintzarik ikusten ez duelako.
Hala ere, ahal den neurrian eta egoerak baimentzen badu, udazkenean egin nahi ditu udalak jarduera horiek guztiak. Aurten, hain zuzen ere, krisia hasi aurretik, kalitatezko programazio zabala diseinatuta eta lotuta zuten jada Kultura eta Euskara udal sailek. “Lan hori guztia ez galtzeko, Kultur sektoreari laguntzeko, eta herritarrei aisialdiaz gozatzeko aukerak eskaintzeko asmoz, aurreikusitako ekitaldiak udazkenean egiten saiatuko gara, formatu txikiagoari egokituta. Aldi berean eta pena handiz, Zuia Euskaraz Eguna 2020an ez da egingo: ez diogu zentzurik ikusten udazkenera atzeratzeari”, azaldu dute teknikariek.
Hala ere, udaleko Kultura eta Euskara atalak eta udalerriko lan taldeak lanean ari dira, hurrengo hilabeteak ‘hutsik’ geratu ez daitezen. “Aurreikusita dago gure udalerrira, besteak beste, Pirritx eta Porrotx eta Marimotots, Tio Teronen Semeak taldea, Igor Elortza eta Miren Amuriza bertsolariak… etortzea. Datak baieztatu bezain pronto, jakinaraziko ditugu. Eta beste modu batean, baina Zuia Euskaraz presente egongo da aurten ere. Sorpresatxoren bat prestatzen ari gara”, aurreratu dute.
 
Beti bezala, hitzordu guztiak aditzera emango dira Zuiako Udalaren kanal guztietatik:
· www.zuia.eus udal webgunea
· www.facebook.com/ZuiakoUdala
· @ZuiakoUdala twitterren
· eta Udal Zabalkunderako Sarea bidez (Zuiako berriak, kultura eta kirol deialdiak, lan-eskaintzak, udal-bandoak… zure helbide elektronikoan. Izena emateko, jarraitu hurrengo esteka: http://eepurl.com/gYUjMD)

Zuia-Verges senidetzearen I. urteurrena

Ignasi Sabater Poch eta Unai Gutierrez Urkiza, Vergeseko eta Zuiako alkateak. Ikurriña eta estelada vermella, Murgian.
Argazkiak: Gure Esku Zuia.ZUIA-VERGES SENIDETZEAREN I. URTEURRENAMaiatzaren 9an, larunbata, urtebete beteko da hitzarmena sinatu zenetikBi udalerriek topaketa birtual batekin ospatuko dute, bihar eguerdian

Gorbeialdeko mintzalagunek SARERA egin dute salto. Bazatoz?

Larrialdi-egoerak gauza asko erakutsi dizkigu: besteak beste, martxan genituen hainbat egitasmo bertan behera utzi baino, aldaketa erraz batzuk eginda mantendu daitezkeela. Horietako bat da Mintzalaguna.

Zuiako Udala langile autonomoei laguntzeko neurri ekonomikoak aztertzen ari da

 Beren egoeraren eta beharren berri azuia.general@ayto.araba.eus bidez helarazteko deia egin du erakundeakMurgia, 2020ko apirilaren 29a_ COVID 19k udalerriko sare sozioekonomikoan daukan eraginaren aurrean, Zuiako Udala hartuemanetan ari da langile autonomoekin, merkatariekin, ostalaritzako profesionalekin (taberna, jatetxe, hotel eta landetxeetakoak), eta Zuian lan egiten duten tailer txikien eta zerbitzuak ematen dituzten beste establezimendu batzuen arduradunekin. Gauza bera egingo du, datozen egunetan, udalerriko enpresa txiki eta ertainen (ETEen) jabeekin. Eta jendeari irekitako lokalik ez duten autonomoen kasuan, berarekin harremanetan jartzeko deia egin du udalak, azuia.general@ayto.araba.eus e-posta helbidearen bidez.
"Helburua da bertatik bertara ezagutzea zer egoera bizitzen ari diren, zer nolako beharrak dituzten eta zailtasunak gainditzeko zer neurri beharko lituzketen", azaldu du Unai Gutierrez Urkiza alkateak.
Jasotako proposamenetatik abiatuta, beti ere udalaren aukerak eta eskumenak kontuan hartuta, udalak laguntzak diseinatuko ditu, egoera gainditzen laguntzeko.
"Zuiako Udalak egoera ekonomiko ona du, kudeaketa eraginkor eta arduratsuaren ondorioz. Une honetan, soberakin hori gure herritarrei laguntzeko erabili behar dugu", gaineratu du alkateak.Era berean, zailtasun ekonomikoak dituzten familiei eskatu die udalari eta Gizarte Zerbitzuei horren berri emateko, telefono hauen bidez: 945 43 04 60 (Gizarte Zerbitzuak), 945 43 00 05 (udal bulegoak) eta e-posta helbide orokorraren bidez (azuia.general@ayto.araba.eus),beren egoera ezagutzeko eta lagundu ahal izateko modu bakarra da eta.
 
Erantzun komunitarioa
Ekimen hau, Zuiako Udala COVID 19ari komunitate bezala aurre egiteko egiten ari den lanaren testuinguruan dago. Izurritearen hasieratik, etengabeko harremana du Oroko Ama Birjinaren eskolako zuzendaritzarekin, familiei arreta emateko orduan koordinatzeko, eta ikastetxeak eskaini ezin dituen zerbitzuak garatzeko ere; adibidez, ikasleen etxebizitzetara eskola-materiala eramateaz arduratu da udala.
Era berean, harreman zuzena dauka udalerrian dauden adinekoentzako 3 egoitza pribatuekin, dituzten premiekin lagundu ahal izateko, egoitzen eta adinekoen egoera onari eusteko.
Alokairu sozialeko etxebizitzei dagokienez, martxoko eta apirileko errenten ordainketak atzeratu egin dira. Beharrezkoa izanez gero, maiatzean ere aplikatuko litzateke neurria. Zorra zatikatu egin da, aurtengo bigarren seihilekoan ordainketak errazteko. Gainera, deialdi bat prestatzen ari da etxebizitza sozial horietan bizi diren eta ABEEEak (Aldi Baterako Enplegu Erregulazioko Espedienteak), lan-kaleratzeak edo lan egiteko ezintasuna izan dituzten familiek udalari alokairua ordaintzeko laguntza ekonomikoa eska diezaioten.
Azkenik, alarma egoeraren hasieran eta familien ekonomia arintzeko asmoz, Zuiako Udalak udal tasa eta zergen ordainketa atzeratzeko dekretu bat onartu zuen. Martxokoak eta apirilekoak ez dira igorri, eta egutegi berri bat ezarri da, hilean zerga edo tasa bat baino gehiago ez igortzeko (ekainaren 1etik aurrera, ibilgailuena; uztailaren 1etik aurrera, 2019ko azken seihilekoko zaborrarena eta urarena; abuztutik aurrera, beste zerga batzuk; hala nola OHZa, Hondasun Higiezinen Gaineko Zerga).

COVID 19ren aurrean Euskadiko Gizarte Zerbitzuetako laguntzen BILATZAILEA

 Eusko Jaurlaritzako Enpleguko eta Gizarte Politiketako Sailak, SIIS Dokumentazio eta Ikerketa Zentroarekin lankidetzan, webgune berria sortu du hainbat eskumen-eremutatik sortu diren gizarte-arloko laguntza eta prestazio ekonomikoei buruzko informaziorako sarbidea errazteko, COVID 19k eragiten dituen ondorio negatiboak arintze aldera.Herritarrei, gizarte zerbitzuetako profesionalei eta Euskadiko hirugarren sektoreko erakundeetako profesionalei zuzenduta dago.Ataria eskuragarri dago hurrengo estekan: www.covid19laguntzak.eus/eu/ 

COVID19ren aurreko Enpresa Gida eta aholkularitza

 Gorbeialdeko Kuadrillak autonomo eta ETErentzako intereseko hurrengo informazioa helarazi digu:"Egun on, jakinarazten dizuegu Arabako Foru Aldundiak, lurraldeko eragile ekonomiko nagusiekin eta Arabako kuadrillekin lankidetzan, web-zerbitzu bat abiarazi duela, hainbat administraziok abian jarritako neurrietarako sarbidea errazteko, COVID-19k ETEetan eta autonomoetan eragindako krisiaren ondorioak arintzen laguntzeko.Web orria hau da: https://www.ayudasarabacovid19.eus/eu/ eta ekimena aholkularitza pertsonalizatuko zerbitzu batekin osatzen da, webgunean bertan inprimaki baten bidez eskuragarri dagoena: https://www.ayudasarabacovid19.eus/…/aholkularitza-pertson…/Edozein zalantza izanez gero, jar zaitezte gurekin harremanetan posta elektroniko bidez: ekonomia@gorbeialdea.eusOndo segi!"

INFORMAZIO-ZERBITZUA (Enpresak eta automoentzat)

Arratsaldeon, jakinarazten dizuegu Arabako Foru Aldundiak, lurraldeko eragile ekonomiko na...

¿Es necesario tener todo planificado para que los niños/as estén entretenidos?

COVID 19-ari buruzko informazio ofiziala

  Koronabirus epidemiari buruzko informazio osoa eskaintzen du, egunero, Osakidetza-k.Hurrengo webguean: https://www.euskadi.eus/covid-19-koronabirus-berria/, asistentzia antolaketa, gomendioak, Guztion Artean elkartasun sarea, ohiko galderak, deskargatzeko materialak eta egungo egoera aurki ditzakezu.Azken atal horretan (egungo egoera), Koronabirusen bilakaerari buruzko datuak eguneratzeko txostenak ere ikus ditzakezu: udalerri bakoitzako positiboak, hospitaletan dauden pazienteei buruzko informazioa, test kopurua... Txostena zuzenean ikusteko, jarraitu hurrengo esteka: https://www.euskadi.eus/koronabirusaren-eboluzaioaren-in…/…/

Udal neurri berriak COVID 19aren ondorioak arintzeko

 Murgia, 2020ko apirilaren 17a _ Udalak lanean jarraitzen du, egunero, Zuiako herritarren aldamenean egoteko eta koronabirus epidemiak eragiten dituen ondorioei komunitate bezala aurre egiteko.Martxoaren erdialdean hartutako prebentzio-neurriez eta hil horren amaieran onartutako dekretuaz gain (informazio guztia daukazu www.zuia.eus udal webgunean), ekintza berriak garatzen ari gara herritar guztiei, hezkuntza-komunitateari eta Zuiako enpresa-sareari zuzenduta. Oroko Ama Birjinaren eskola eta adinekoen egoitzakIzurritearen hasieratik, harremanetan gaude Oroko Ama Birjinaren Eskolako zuzendaritzarekin. Helburua da koordinatzea, familiei arreta eman ahal izateko. Eta baita ikastetxeak eskaini ezin dituen zerbitzuak garatzea ere; esate baterako, ikasleen etxeetara eramatea ikasturtearekin jarraitzeko behar dituzten materialak.Era berean, udalak harreman zuzena du Zuian dauden adineko pertsonentzako 3 egoitza pribatuekin. Euren beharren berri badugu, eta behar diren jardueretan laguntzen dugu, egoitzen eta adinekoen egoera onari eusteko. Zuiako enpresakFisikoki elkartzeko aukerarik ez dugunez, posta elektronikoz jartzen ari gara harremanetan merkatariekin, ostalaritzako profesionalekin (tabernak, jatetxeak, hotelak eta nekazal-turismoak), tailer txikietako eta Zuian zerbitzuak eskaintzen dituzten beste lokal batzuetako arduradunekin, haien beharrak ezagutzeko eta nola lagundu aztertzeko.Neurri hori beste pertsona autonomo batzuei (merkataritza-lokalik ez dutenei) eta ETEei (enpresa txiki eta ertainei) zabaltzea aztertzen ari gara. Alokairu sozialeko etxebizitzakMartxoko eta apirileko errenten ordainketak atzeratu egin dira udalerriko alokairu sozialeko etxebizitza guztietan. Beharrezkoa izanez gero, maiatzean ere aplikatuko litzateke neurria. Zorra zatikatu egingo da, aurtengo bigarren seihilekoan ordainketak errazteko.Gainera, deialdi bat prestatzen ari gara etxebizitza sozial horietan bizi diren eta ABEEEak (Aldi Baterako Enplegu Erregulazioko Espedienteak), lan-kaleratzeak edo lan egiteko ezintasuna izan dituzten familiek udalari laguntza ekonomikoa eska diezaioten. Udal zergak eta tasakLehen aipatutako dekretuan onartu genuen bezala, ez dira martxoko zergak igorri (ibilgailuena, adibidez). Era berean, ez dira igorri martxoaren 31n kobratu behar ziren 2019ko azken seihilekoan zaborrak biltzeko eta ur-kontsumoko tasak.Familien ekonomia arintzeko, ordainketa-egutegi berri bat ezarri da, eta hilean zerga edo tasa 1 baino gehiago ez da igorriko: ibilgailuena ekainaren 1etik aurrera kobratuko da; 2019ko azken seihileko zaborren eta uraren tasak, uztailaren 1etik aurrera; beste zerga batzuk (esate baterako OHZ, Hondasun Higiezinen Gaineko Zerga), abuztutik edo irailetik aurrera. Neurri horiek datozen asteetan zabaldu ahal izango dira. Beti bezala, hau bezalako intereseko informazio guztiak udal webgune honetan dituzu.Udaleko gai guztien berri izan dezazun, beste komunikazio-bide batzuk ere erabiltzen ditugu: etxerako bidalketa (postontzietan banaketa), Bea Murgia plazako informazio-panela, Zubia udal-aldizkaria (hurrengo zenbakia maiatzerako/ekainerako aurreikusita dago), sare sozialak (Zuiako Udala gara Facebooken eta Twitterren) eta Udal Zabalkunderako Sarea.Azken tresna hau hobetu dugu. Udal informazio guztia zure helbide elektronikoan jaso nahi baduzu, jarraitu hurrengo esteka: http://eepurl.com/gYUjMD

Pamela Palencianoren hitzaldia LAIAplazara-n

 Datorren astelehenean, apirilaren 20an, arratsaldeko 18:00etan, Pamela Palenciano aktore, komunikatzaile eta ekintzaile feministaren hitzaldia ikusteko aukera emango digu LAIAplazara ekimenak.Topaketa online izango da (www.laiaplazara.eus/laiaeskola-virtual webgunean) eta galderekin parte hartzeko aukera izango dugu.Arabako Berdintasun teknikarien eskutik, Arabako Foru Aldundiaren eta Laia Eskolaren laguntzarekin.#LAIAplazara #Feminismoa #IndarkeriaMatxistaKonfinamenduan Laiaeskola Arabako Foru Aldundia-Diputación Foral de Álava 

Gorbeialdean, HANDITIK TXIKIRA: umeentzako mintzapraktika-saioak

Konfinamendu garaian, etxean daude Gorbeialdeko ume, nerabe eta gazteak. Horietako askok, euskaraz aritzeko aukera bakarrenetakoa eskolan izaten dute, eta orain galdu egin dute aukera hori. Horren ondorioz, ume eta gazte askoren hizkuntza-gaitasuna eta hezkuntza-prozesua kaltetu daiteke.

LAIAplazara: Arabako emakumeen topagune birtuala berria

 Murgia, 2020ko apirilaren 14a_ #LAIAplazara ekimena aurkeztera gatoz, Arabako Kuadrilla eta Udalerrietako Berdintasun Teknikarien Sarearen eta Arabako Foru Aldundiaren ekimena.Gaur egun bizi dugun Covid19 konfinamendu egoera ikusita, Plaza Feminista birtual, dinamiko eta parte-hartzaile bat sortzea beharrezkoa dela ikusi dugu, non Arabako emakumeak bilduko diren beren kezkak eta bizipenak partekatzeko, elkarrekin konektatzeko eta haien beharrak jaso eta erantzuteko.#LAIAplazarak,www.laiaplazara.eus orrialdean, honako atal hauek ditu:Foroa: emakumeei beren esperientzia partekatzeko gonbita egiten zaie, galdera honi erantzunez: emakume gisa, zerk kezkatzen zaitu konfinamendu-testuinguruan?PostontziaBaliabideakAhalduntze teknologikoaLiburutegiaLAIAESKOLA birtualaGure eskola ezagutzera, gozatzera eta zabaltzera gonbidatzen zaitugu. Zatoz LAIAplazara! 

Zuiarrak babesteko udal-neurriak

Argazkia: Gorbeia Gune Turistikoa.Denok dakizuenez, alarma-egoera ezarri zenetik eta, oro har, eta udal mailan egiten joan diren murrizketak ikusita, ugariak dira ukituta eta eraginik jaso duten zerbitzuak.Zerbitzuetan izandako eragin horiek ondorioak dakartzate kontratuen arloan, bai eta maila ekonomiko zein fiskalean ere.Udalerriaren barruko egoera eta izaten ari diren eraginak baloratu ondoren, Zuiako udalak honako neurri hauek hartu ditu eta hartu baldintza eta helburu oinarrizko eta funtsezko batez, hain zuzen, salbuespenezko egoera horren aurrean administrazioek ahalik eta gehien arindu behar ditugula egoera horrek herritarrengan eta, oro har, familia, ekonomia, gizarte eta lan-eremuan dituen ondorioak, norbanakoaren eta komunitatearen mailako osasuna beste ezeren gainetik lehenetsiz. Hona proposamena:

COVID 19 _ Etxeko hondakinen kudeaketa

 Irudia: Usurbilgo Udala.Gorbeiako Inguruen Partzuergoak honako informazio hau helarazi digu (gazteleraz): 1_ manejo domiciliario de los residuos en HOGARES POSITIVOS O EN CUARENTENA por COVID19:Según las recomendaciones del Ministerio de Sanidad, los residuos del paciente, incluido el material desechable utilizado por la persona enferma (guantes, pañuelos, mascarillas), se han de eliminar en una bolsa de plástico (BOLSA 1) en un cubo de basura dispuesto en la habitación, preferiblemente con tapa y pedal de apertura, sin realizar ninguna separación para el reciclaje. La bolsa de plástico (BOLSA 1) debe cerrarse adecuadamente e introducirla en una segunda bolsa de basura (BOLSA 2), al lado de la salida de la habitación, donde además se depositarán los guantes y mascarilla utilizados por el cuidador y se cerrará adecuadamente antes de salir de la habitación. La BOLSA 2, con los residuos anteriores, se depositará con el resto de los residuos domésticos en la bolsa de basura (BOLSA 3) correspondiente al cubo de fracción resto (contenedor gris). La BOLSA 3 también se cerrará adecuadamente. Inmediatamente después se realizará una completa higiene de manos, con agua y jabón, al menos 40-60 segundos.La BOLSA 3 se depositará exclusivamente en el contenedor de fracción resto 1, contenedor gris (o en cualquier otro sistema de recogida de fracción resto establecida en la entidad local), estando terminantemente prohibido depositarla en los contenedores de recogida separada de cualquiera de las fracciones separadas (orgánica, envases, papel, vidrio o textil) o su abandono en el entorno. 2_Manejo domiciliario de los residuos en HOGARES SIN POSITIVOS o SIN CUARENTENAEn el caso de los hogares sin positivos ni en cuarentena, la separación de los residuos se realizará como viene haciéndose habitualmente.Con el fin de reducir al máximo la fracción resto, contenedor gris, (o fracción seca donde sea aplicable) que llega las plantas de tratamiento, conviene recordar a los ciudadanos la importancia de optimizar la recogida separada de las distintas fracciones (papel/cartón, vidrio, envases, orgánica en su caso), y depositar en sus contenedores únicamente los residuos correspondientes a tales fracciones.Por último, se recuerda a la ciudadanía que los guantes de látex o nitrilo empleados para hacer la compra u otros usos no son envases y por tanto no deben depositarse en el contenedor de envases ligeros (amarillo). 

COVID 19 _ Zabor edukiontzien desinfekzioa

 OHAR GARRANTZITSUA HERRITARREIUne honetako osasun publikoaren egoera dela eta, Gorbeia Inguruetako Partzuergoak errefusa (edukiontzi grisak) eta ontzi arinak (edukiontzi horiak) biltzeko edukiontziak desinfektatuko ditu.

COVID 19_ Espainiako Gobernuaren ezohiko premiazko neurri ekonomiko eta sozialak

Pasa den astean, Espainiako Gobernuak onartu zuen 8/2020 Errege Lege-Dekretua, martxoaren 17koa, ezohiko premiazko neurriekin COVID-19ren inpaktu ekonomiko eta sozialari aurre egiteko.Dekretuak, besteak beste, udal kontratuetako berrikuntzei buruzko informazioa jasotzen du.Jarraian, lerro hauen azpiko pdf dokumentuan, dekretuaren testu osoa ikus dezakezu.

Osasun larrialdiari buruzko Ertzaintzaren irizpideak. ADIBIDE PRAKTIKOAK

  OSASUN-LARRIALDIARI BURUZKO ERTZAINTZAREN IRIZPIDEAK

CORONABIRUS-aren KRISIAREN AURREAN, Zuiako Udalak zuregandik gertu

 Murgia, 2020ko martxoaren 23a _ Zuiako Udalak zuregandik gertu egon nahi du, bereziki ETXEAN GERATU BEHAR DUGUN honetan.Hori dela eta, hurrengo lerro hauetan, ELKAR, GUZTION ARTEAN, ZAINTZEKO AHOLKUAK helarazten dizkizuegu:

Indarkeria matxistaren biktimei premiazko arreta emateko baliabide eta zerbitzu guztiak martxan daude Euskadin

 Emakundek gogorarazi du indarkeria matxistaren biktimei premiazko arreta emateko baliabide eta zerbitzu guztiak martxan daudela EuskadinKoronabirusaren krisiak eragindako egoerara egokitu behar izan dutebabes-neurriak zorroztu behar izan dituztelako birusaren hedapena geldiaraztekoBide telematikoak indartu dira, zenbait zerbitzu aurrez aurre eskaini ezin direlako Murgia, 2020ko martxoaren 18a _ Emakunde-Emakumearen Euskal Erakundeak gogorarazi du, Covid-19aren ondorioz sortutako osasun publikoko larrialdi-egoerara egokitu behar izan badira ere, martxan daudela indarkeria matxistaren biktimei laguntzeko euskal erakundeek eskaintzen dituzten baliabide eta zerbitzuak. Osasun-larrialdia dela eta birusaren hedapena geldiarazteko, aurrez aurreko zerbitzu batzuk modu telematikoan eskaintzen dira, baina larrialdi-baliabideak eta zerbitzuak mantentzen direla bermatzen da, eta horren barruan sartzen dira indarkeriaren biktima diren emakumeei premiazko arreta eta harrera emateko zerbitzuak, osasun-alarmako egoera honetan segurtasun eta higiene neurri bereziak hartu behar izan badira ere.Hala, biktimak artatzeko 24 orduko telefonoa aktibo dago (900 84 01 11), indarkeriaren biktima diren emakumeak babesteko Segurtasun Sailak eskaintzen dituen zerbitzuak aktibo jarraitzen dute (bortxa telefonoa, genero-indarkerian espezializatutako ertzainak, segurtasun pribatua…), genero-indarkeriaren biktima diren emakumeentzako ordainketa bakarreko prestazio ekonomikoaren eskaerak ebazten jarraitzen da (laguntza eskatzeko bide telematikoa irekita dago, eta deiei ematen zaien arreta ziurtatuta dago), bermatuta daude Biktimei Laguntzeko Zerbitzua eta arlo judizialeko laguntza osoa hiru lurraldeetan, emakumeen aurkako indarkerian espezializatutako epaitegiak, genero-indarkeriaren biktimentzako doako laguntza juridikoko zerbitzuak, etxeko tratu txarren biktima diren emakumeentzako berehalako harrera-zerbitzuak, biktima diren emakumeentzako egoitza-zentroak eta aholkularitza juridikoko eta laguntza psikologikoko zerbitzuak… Nolanahi ere, egoera aldian-aldian aztertuko da, beharrak identifikatzeko eta zerbitzuak eta baliabideak horietara egokitzeko.Era berean, Emakundek, koordinazio-lanean, herritarrei ematen dien zerbitzuari eusten dio telefono bidez (945 01 67 02), bai eta posta elektroniko bidez ere (emakunde.zuzendaritza@euskadi.eus).Emakundek gogorarazi duenez, bizi dugun alarma-egoera komunitario honetan ere, funtsezkoa da emakumeen aurkako indarkeria matxistaren aurkako jarrera aktiboa. Hori geldiaraztea gizarte hau osatzen dugunon erantzukizun partekatua da, bakoitza gure erantzukizun-eremutik.