Umeentzako antzerkiak, txokolatada herrikoi batek eta tradiziozko suak osatuko dute San Joan gauerako prestatu den egitarau magikoa.
Datorren asteartean, ekainak 23, urteko gaurik berezienetako bat ospatuko da herrian, adin guztientzako ekintzekin. Festari hasiera emateko, arratsaldeko 19:00etan, bost urtetik beherako umeentzako antzerkia egongo da Udaletxe Plazan, "Izena duen guztia, bada" izenburupean.
Iluntzean, giroa Bea Murgia Plazara aldatuko da. Bertan, 21:00etatik aurrera, txokolatada gozoa, musika eta festa giroa izango dira nagusi, gau handirako motorrak berotzen joateko. Azkenik, 22:00etan, hitzordu nagusia iritsiko da plaza berean: San Joan sua piztuko da, tradizioari jarraituz gauari argia eta magia emateko.
Herritar guztiak gonbidatuta daude ekimen hauetan parte hartzera eta elkarrekin gau berezi honetaz gozatzera.