Otsailaren 26tik martxoaren 6ra eman ahalko da izena. Informazio gehiago hemen.
Datorren apirilean edo maiatzean haurrak haurreskolara eraman nahi dituzten familiek aukera berria izango dute martxoan eta apirilean egingo den izen-emate bateratu honen bidez. Hau izango da, hain zuzen ere, 2025/2026 ikasturterako programatutako azken izen-ematea.
Prozedura eta aldaketa nagusiak
Izen-ematea ohiko prozeduraren bidez egingo den arren, aldaketa txiki bat txertatu da. Familiak bi aukeraren artean hautatu beharko du haurra noiz hasiko den zehazteko:
A aukera: Apirilean hasi.
B aukera: Maiatzean hasi.
Plazen esleipena eta zerrendak
Plazak esleitzerako orduan, hautatutako hasiera data eta lortutako puntuazioa izango dira irizpide nagusiak. Nahiz eta behin-behineko eta behin-betiko zerrenda bakarra argitaratu, esleipen prozesua bi fasetan egingo da:
Lehen esleipena: Hasiera data gisa apirila jarri duten haurrekin egingo da, zerrendako puntuazioari jarraituz.
Bigarren esleipena: Behin lehen taldea onartuta, geratzen diren plaza hutsak maiatzean hasi nahi duten haurrekin beteko dira