Aperregik jaiak ospatuko ditu urriaren 3tik 5era bitartean, asteburu osoan zehar ekintza ugari eskainiz.
Ostiralean hasiko dira ospakizunak: txosnaren irekiera, hildakoen aldeko meza, odoloste-jana, bokatak eta gaua alaituko duen El Fogón de Álava DJa. Larunbatean, berriz, pintxo potea eta txaranga, Richard-Erosen ikuskizuna txiki zein helduentzat, poteoa, herri kirolak, herri afaria eta Gauargi taldearen erromeria izango dira.
Igandean amaituko dira jaiak: Ausartak abesbatzak girotutako meza, puzgarriak umeentzat, poteoa trikitia lagun, herri bazkaria eta bolo-jokoarekin azken txanpa.Aperregik, beraz, musika, kirol eta tradizioz betetako asteburua biziko du.