945 430 005

Udal Albisteak

  • Zuia.eus:
  • Zure zerbitzura
  • Udal Albisteak

Zuiak Eguneko Arretarako Landa Zentroaren kudeaketa Udalaren esku jarraitzeko prestutasuna adierazi du eta Aldundiari elkarlana eskatu dio zerbitzua bermatzeko

 

· Azken luzapena amaitu baino aste batzuk lehenago, premiazko bilera bat eskatu dio Gizarte Zerbitzuetako Foru Diputatuari, xehetasunak adosteko

· Unai Gutierrez Urkiza, alkatea: "Arabako Foru Aldundiaren proposamenik ez dugu jaso oraindik, eta, horregatik, iniziatiba hartu behar dugu eta gure herritarrei arreta hobea emateko irtenbide bat lortu"

 

Murgia, 2020ko azaroaren 13a_ Zuiako osoko bilkurak Eguneko Arretarako Landa Zentroaren kudeaketa Udalaren esku mantentzeko "borondate eta erabakitasun osoa" agertu zuen atzo. Gaur egun, hogei pertsona artatzen ditu zentro honek. Horrela dago jasota osoko bilkuran onartu zen mozioan. Bertan, Arabako Foru Aldundiaren menpeko beste erabiltzaile batzuk artatuko dituen baliabide mistoa izaten jarraitzeko asmo argia agertzen da.

Erabaki horrekin Zuiak oinarrizko zerbitzu horren kudeaketaren inguruko ezegonkortasun legalarekin amaitu nahi du, izan ere, Gizarte Zerbitzuen Legearen arabera Zuiako Udalari dagokio zerbitzu hori emateko eskumen esklusiboa eta, gaur egun, Arabako Foru Aldundiak kudeaketa honetan duen parte hartze urriak ez du enkaje legalik. Zerbitzuaren kudeaketa berregokitzeko Aldundiak proposamen bat egiteko konpromisoa hartu zuen baina, ondoz ondoko luzapenen ostean azkena amaitzear dago eta, gaur egun, Zuiako Udalak ez du fase berriari ekiteko proposamenik jaso.

Unai Gutierrez Urkiza Zuiako alkateak azaldu duenez, "gure ustez funtsezkoa den eta herritarren artean harrera ona duen zerbitzu hau eskaintzeko konpromiso sendoa dugu". Hori dela eta, "Arabako Foru Aldundiak zerbitzu hori segurtasun juridikorik gabe utzi du eta irtenbide egokia ematen saiatu behar gara", gaineratu du.

Egoera horren aurrean, Zuiako Udalak uste du beharrezkoa dela "erakundeen arteko lankidetza koordinatua eta etengabea, kalitatezko zerbitzua bermatzeko eta bi erakundeen interesak asetzeko gizarte-zerbitzuen kudeaketari dagokionez". Helburu horrekin, Zuiako Udalak "premiazko" bilera bat eskatu du Emilio Sola saileko buruarekin, zerbitzua emateko sortu behar den lankidetza instituzionaleko esparru berri horren xehetasunak adosteko, hala nola plazak erreserbatzea edo zerbitzua finantzatzea.
Bien bitartean, Udal Gobernuak beharrezko udal tramitazioa aurreratuko du zerbitzua nola eman zehazteko eta zerbitzu honen tasak zehaztuko dituen udal ordenantza egin eta onartzeko.

Irakurri

'Florecica ', Josefina Lambertoren istorioa, Maravillasen arreba baino zerbait gehiago

SARRERAK HARTZEKO AZKEN EGUNAK

Josefina Lamberto beti hor egon den emakume horietakoa da. Ez dira asko. Ia beti bigarren mailan daude. Josefina Maravillas Lambertoren arreba izateagatik da ezaguna, Larragan faxistek hil eta bortxatua. 1936ko Nafarroan gertatu zen istoriorik trukagarrienetako bat. Memoria historikoa berreskuratzeko borrokan ezaguna da, baina are gehiago, bizitza bizi baten protagonista da.


Josefinaren irudia ezagutzera ematea da Virginia Senosiainek eta Juan Luis Napalek zuzendu duten 'Florecica' dokumentalaren helburu nagusia.

DOKUMENTALA + SOLASALDIA

https://entradium.com/events/florecica-la-historia-de-josefina-lamberto-algo-mas-que-la-hermana-de-maravillas

Irakurri

eman izena MINTZALAGUNEAN: ELKARREKIN EUSKARA BIZI, ERABILI

Zer da Mintzalaguna?

Euskaraz hitz egiteko ohitura dutenak eta mintzapraktika egin nahi duten pertsonak biltzeko programa da.

Zertarako?

Euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko...

Nola hitz egingo dugu?

Astean behin; ordubetez, talde txikitan. Paseoan, kafetegian, parkean... Euskaraz hitz egiteko ohitura dutenak eta mintzapraktika egin nahi dutenak elkartuta, gainontzeko mintzataldeekin koordinatuta.

ETA ADI! ON-LINE PROGRAMAK ERE MARTXAN JARTZEKO AUKERA DAGO.

Ekintza osagarriak:

herriko gainontzeko mintzalagun taldeekin irteerak, afariak, kirol ekintzak, Mintza Eguna... Parte hartzeko baldintza euskaraz komunikatzeko gutxieneko maila izan behar da.

Izen ematea

Urrian eta azaroan.

Informazioa:

JAITSI ESKUORRIA, HEMEN KLIK EGINDA

Eta hemen informazio gehiago (mintzalaguna.eus)

 

Urkabustaizko liburutegian, Zigoitiko kultur etxean, Gorbeialdeko Kuadrillaren egoitzan edo Zuiako liburutegian, Legutioko liburutegian, Arratzua- Ubarrundiako Sologanan eta Aramaioko udaletxean edo liburutegian. Baita euskara@gorbeialdea.eus helbidean, eta honakoetan ere:

 

gorbeialdea@mintzalaguna.eus | 650266744

Irakurri

Eraldaketa digitalerako mikrotailerrak, Gorbeialdeko Kuadrillaren eskutik

 

Gorbeialdeko Kuadrillako Sustapen Ekonomikoaren arlotik bidalitako informazioa:

Gorbeialdeko Kuadrillak, Vital Fundazioaren laguntzarekin, online formaziorako mikrotailer batzuk antolatu ditu, eskualdeko negozioak digitalki eraldatzeko.

Formazio hau, gehienbat, eskualdeko enpresa txiki eta ertainei eta autonomoei dago zuzenduta (merkataritza, ostalaritza, ostatuak, zerbitzuak, etab.). Zuen estrategia digitalean aurrera egiten lagunduko dizue, sareak eta teknologia berriak ezagutzen lagunduta hobeto aprobetxatuko baitituzue.

Online egingo diren 3 formazioko ziklo bat da, eta banakako tutoretzarekin osatuko dira.

Interesa duzuenok, izena eman dezakezue 945 43 01 67 telefono zenbakira deituta (Oihanaz edo Ekaitzez galdetu), edo ekonomia@gorbeialdea.eus helbidera mezu bat bidalita.

Izen-ematea doakoa da, eta ez dago saio guztietan izena eman beharrik: interesatzen zaizkizuenak egin ditzakezue.

Parte hartzera animatzen zaituztegu. Formazio erraza eta praktikoa da, eta uste dugu zuen negozioen egunerokotasunean lagungarria izan daitekeela.

Ikastaroak, datak eta ordutegiak goiko argazkian daude. Eta beheko pdf dokumentuan ikasgaiei buruzko informazioa duzu.

Irakurri

2021erako tasa eta zergen ordenantza onartu du Zuiako Udalak

 

Zerga gehienak izoztu egiten dira · Bakarrik igoko da Zaborren Tasa: %4, beraz etxe bakoitzak 3€ gehiago ordainduko ditu urtean · Ostalaritzak erdia ordainduko du · OHZri % 90eko hobaria emango zaio gehien zigortutako pertsona eta taldeentzat


Murgia, 2020ko urriaren 19a_ Osoko bilkuran onartu du Zuiako Udalak datorren urterako tasa eta zergen ordenantza, progresibotasun eta iraunkortasun irizpideetan oinarrituta. Araudia onartu da gobernu taldearen botoekin (EH Bilduk gehiengoa du 6 ordezkarirekin), eta udalerria bizitzen ari den egoera sozio-ekonomikoa aztertu ondoren.
Onartutako ordenantzak tasa eta zerga gehienak izoztuta mantentzen ditu eta 3 aldaketa erregistratu ditu:

Irakurri

Zer dira indarkeria matxistak?

Indarkeria matxista entzuten dugunean, indarkeria fisikoa, sexuala, edo emakumeen gorputzen kontrako jarrerak datozkigu burura, baina ba al da soilik hori indarkeria matxista? Zergatik gertatzen da? Zeintzuk dira indarkeria kasu bortitzenak edo erailketak eragiten dituzten eguneroko indarkeriak?

Sentsibilizazio eta prebentzio kanpaina honen bidez indarkeria matxista bere osotasunean landu nahi da, hedabideetan estaldura gehien dituzten kasuz haratago joan.

Horretarako, indarkeria matxista eragin, indartu eta mantentzen dituzten mekanismoak ilustrazioen bidez definituko ditugu.

Irakurri