Udal Albisteak

Ukrainatik datozen adin txikikoen harrerari buruzko informazioa

Arabako Foru Aldundiak informazioa zabaldu du, Ukrainatik datozen pertsonekin elkartasun-adierazpenak bideratzeko moduari buruz jasotzen ari diren kontsulta ugarien aurrean.  

Eta bereziki azpimarratzen ditu adingabeen joan-etorrietarako kontuan hartu beharreko alderdiak. Izan ere, adingabe baten harrera-prozesua ez da hain erraza, lege- eta administrazio-alderdi asko hartu behar dira kontuan.

Irakurri

Lelo lehiaketa: emakume eta gizonen arteko berdintasunaren alde

Zuiako Udalak gizon eta emakumeen arteko berdintasunaren aldeko leloen lehiaketan parte hartzera gonbidatu nahi ditu ikasle guztiak.

Lelo irabazlea Zuiako Udalak berdintasunaren eta indarkeria matxistaren prebentzioaren alde egingo dituen kanpainetarako erabiliko da.

Zuiako Udalak emandako lelo guztiak erabili ahal izango ditu kartelen, webgunearen, sare sozialen eta abarren bidezko sentsibilizazio-kanpainetan.

Irakurri

M8 indartsua izan dugu Gorbeialdean!

Murgiako Institutuak goizean Lilatoia lasterketa antolatu zuen eta udaletxe plazan manifestu bat irakurri zuten, arratsaldean Gorbeialdeko Mugimendu Feministak manifestazioa deitu zuen.

Sarriako bidegurutzetik hasita, ibilbidearen bigarren geldiera osasun zentroan izan zen herriko plazan amaitzeko. Herriko plazan, emakumeen zapalkuntza guztiak ontzi batean sartu eta erre zituzten alternatiba bizigarriak proposatzen zituzten bitartean.

Irakurri

Gorbeialdeko umeentzat aukera: BERTSO-ABENTURA Espejon (apirilak 20-22)

Gorbeialdeko 10 eta 12 urte arteko umeek, oporraldian euskaraz jolastu eta bertsoez gozatzeko, inguruko natura eta kultura hobeto ezagutzeko helburuarekin, Bertso Abentura bizitzeko aukera izango dute udaberrian:  norbere herritik gertuko lagun berriak egin, bertso munduan murgildu eta ondo pasatzeko aukera paregabea. Apirilaren 20tik 22ra,  Arabako Bertsozale Elkarteak, Lautada eta Gorbeialdeko Kuadrillekin elkarlanean, BERTSO-ABENTURA antolatu du Espejon.

Irakurri

ZUIAKO KORRIKA KULTURALA: era guztietako jarduerak, astez aste

Apirilaren 6an iritsiko da Korrika Zuiara, baina aurreko asteetan hainbat aukera egongo dira beroketa-ariketak egiteko. Guztira, dozena bat hitzordu antolatu dituzte, hainbat eragileren artean. Zuiako euskara lan taldea eta Zuiako gau eskola izan dira bultzatzaile, baina hainbat jardueraren antolakuntzan parte hartu dute Zuiako Udaleko kultura eta berdintasun zerbitzuek, eta Gorbeialdeko neska* gazteak taldeak ere, besteak beste.

Irakurri