Ekintzen agenda

Joan-etorrikoak: ASIER KIDAM ETA JOSU KAREAGA

Gorbeialdeko kuadrillak JOAN-ETORRIKOAK zikloa antolatu du, gure eskualdeko artisten eta beraien diziplinako kulturgileen arteko jendaurreko topaketak egiteko. Lehenengo saioa Zigoitian izan zen, eta bigarren saioa Zuian izango da, uztailaren 1ean, Zuiako Udalaren laguntzarekin. Oraingo honetan, MAGIA ikuskizun batekin gozatzeko aukera izango dugu: Asier Kidam gasteiztarra izango dugu batetik, eta Josu Kareaga zuiarra bestetik.

Irakurri

ZIRIKA: "Hitz birziklatuak". Hitzaldia (ZUIA EUSKARAZ)

Alfredo Hernandezek urteak daramatza euskararekin eta naturak eskaintzen dizkion elementuekin poesia bisuala egiten, eta hori arte-lan bihurtzen. Beti euskarri berrien bila koadroetatik, eskulturetara, eta hemendik instalazioetara eraman ditu euskal hitzak, etengabe beraiekin jolasean.

Oraingoan, Zuian izango dugu ikusteko aukera. Animatu!

Irakurri

OPORRETAKO KUTXA tailerra, gurasoentzat (ZUIA EUSKARAZ)

3 eta 9 URTE ARTEKO SEME-ALABAK DITUZTEN GURASOENTZAKO SAIOA (2 ordu)

Opor garaietan gure seme-alabekin egoteko eta jolasteko aukera gehiago izaten ditugu. Une ezin hobea da gure harreman horretan euskara ere goxatzeko eta gure seme-alabei euskararekin harreman indartsua eskaintzeko. Saio hauetan hainbat proposamen egingo dizkizuegu horri begira.

Ez dira euskara klaseak baina bai euskara sustatzeko saioak. Euskara familian gutxi gutxi jakin arren ere parte har dezakezue. Primeran pasako dugu eta seme- alabei begira baliagarria izango zaizue.

Oharra: tailerrera datorrenak kutxa bat (hutsik) ekarri behar du.

Irakurri

GABI DE LA MAZA: "Txantxangorria-euskal karaokeak" hitzaldia (ZUIA EUSKARAZ)

Gabi de la Maza gorliztarra erreferente bat bihurtu da azken urteotan, euskal kulturgintzari eta euskararen transmisioari egindako ekarpen itzelarengatik. Izan ere, nork ez du ezagutzen TXANTXANGORRIA-EUSKAL KARAOKEAK youtubeko kanala?

Ofizioz irakaslea (orain, erretiratua), hezkuntzan eta euskal girotze barnetegietan ibilbide luzea du egina. 2005. urtetik aurrera, bere lanerako hainbat karaoke sortu zituen De la Mazak, ikasleekin egonaldietan erabiltzeko. 2008an, ikasleek eskatuta, Youtubera igotzen hasi zen. 2019an bi kanal zituen, eta bien artean 2.500 abesti baino gehiago daude. Lehenengo hamaika urtean, gune horrek miloi bat bisita baino gehiago jaso zituen, eta harpidedunak orain 80.000 mila baina gehiago dira bien artean.

Egilearen eskutik, proiektua nola sortu zen, zein helburu dituen, nola funtzionatzen duen... ezagutzeko aukera izango dugu Zuian.

Irakurri

DRONEN TAILERRA

Dronen munduan murgildu eta pilotatzen ikasi!!
Maiatzak 8, 10:30-12:30
8-10 urte bitartekoentzat 
Palatu kiroldegian
Tailerra euskaraz izango da. 
Izena emateko HEMEN    
 

Irakurri

DRONEN TAILERRA

DRONEN TAILERRA
Dronen munduan murgildu eta pilotatzen ikasi!!
Apirilak 24, 10:00-13:00
10-16 urte bitartekoentzat 
Zuiako Udaletxean 
Tailerra euskaraz izango da. 
Izena emateko HEMEN    

Irakurri

Fabricando Mujeres - DOKUMENTALA

Euskadin, Madrilen, Txilen eta Medellinen filmatutako dokumental hau Setem Hego Haizeak egindako "¿Consumimos violencia?" Azterlanean oinarritzen da. Azterlan horrek kontsumo konbentzionalaren eta indarkeria matxisten arteko harremanari buruzko gogoeta egiten du.

Al Borde Filmsek Setementzat egindako dokumentala da, Garapenerako Lankidetzaren Euskal Agentziak eta Gipuzkoako Foru Aldundiak finantzatuta. 2018ko azaroan estreinatu zuten Bilboko Zinebi jaialdian. Orduz geroztik, hainbat euskal herritan eta beste hainbat tokitan ibili da proiekzio eta eztabaidekin.

Itziar Aizpuru du protagonista, eta Yayo Herrero, Yolanda Dominguez, Silvia Federici eta June Fernandezen kolaborazioak ditu.

Bukaeran Setem Hego Haizeak-eko kide bat izango dugu azterlanaren eta dokumentalaren inguruko gogoeta eta eztabaidarako.

Irakurri